کیسا ہو گا 2023؟؟؟
کیسا ہو گا 2023؟؟؟۔
سال 2022 ختم ہونے والا ہے اور سال 2023 کی آمد ہے۔سال 2022 کی آمد سے قبل بھی بہت سے مفروضے تجزیے اور نجومیوں کے اندازے سننے اور پڑھنے کو ملے تھے۔ کہ 2022 ایسا ہو گا ویسا ہوگا ۔ لیکن حقیقت یہ ہے کہ آنے والے وقت کے بارے میں کوئی بھی کچھ نہیں جانتا سوائے اللہ تعالٰی کے ۔ لیکن یہ جو بتایا جاتا ہے کہ آنے والے وقت میں یہ ہو جائے گا وہ ہو جائے گا یہ محض اندازے ہوتے ہیں
اسی طرح 2023 کے بارے میں بھی ایک صوفی بزرگ خاتون جن کا تعلق بلغاریہ سے ہے ۔ 2023 کے بارے میں کچھ پیش گوئیاں کی ہیں ۔اس بزرگ خاتون کا نام بابا وانگا ہے۔اس خاتون کے مطابق 2028 میں ایک خلا باز زہرہ سیارے پر اترے گا۔اور اس دنیا کے خاتمے کا سال 5079 ہو گا۔
اس بزرگ خاتون بابا وانگا کے مطابق 2023 میں ایک شمسی طوفان آئے گا ۔جس کی وجہ سے زمین کی مقناطیسی ڈھال ختم ہو جائے گی ۔خلائی مخلوق کے حملے میں لاکھوں افراد مارے جائیں گے ۔ زمین کا مدار تبدیل ہو جائے گا ۔ جس کی وجہ سے آب وہوا میں بڑی تبدیلی واقع ہو گی ۔ جو بڑی تباہی کا باعث بن سکتی ہے ۔ جو کہ بہت بڑے خطرے کی علامت ہے ۔
اس بزرگ خاتون کے مطابق 2023 میں انسانوں کو لیبارٹریز میں تیار کیا جائے گا ۔اور والدین اپنے بچوں کے لیے خصوصیات اور رنگ کا انتخاب کر سکیں گے ۔ پیدائش کا مکمل طور پر کنٹرول انسان کے پاس ہو گا۔ اور لیبارٹری کے پیدا کیے بچے مستقل کے شہری بنیں گے کیونکہ قدرتی طور پر پیدائش پر پابندی لگا دی جائے گی ۔
اس خاتون نے یہ انکشاف بھی کیا ہے کہ 2023 میں ایک پاور پلانٹ میں دھماکہ ہو گا ۔جس سے زہریلے بادل پیدا ہوں گے ۔ جو براعظم ایشیا پر چھا جائیں گے ۔جس سے اس براعظم ایشیا میں بہت سے نقصانات ہونے کا خطرہ ہے ۔اس کے علاوہ دوسرے ممالک میں بھی اس کے اثرات محسوس کیے جائیں گے ۔اس کی وجہ سے بہت ساری بیماریاں پھیلنے کا اندیشہ ہے ۔
یہاں یہ بات ذہن میں رکھیں کہ یہ پیشگوئیاں محض اندازے اور مفروضے پر مشتمل ہیں ۔ہمارا بطور ایک مسلمان یہ ایمان ہے آنے والے وقت کے بارے میں صرف اللہ تعالیٰ ہی جانتا ہے ۔ لہازا ان پیشگوئیوں کے بارے میں پڑھ کر پریشان ہونے کی ضرورت نہیں ۔